標題:
卑利士道去銅鑼灣
發問:
係西半山卑利士道2號,.即係香港科技專上書院去銅鑼灣..有咩小巴OR巴士搭? 同埋時間大約幾耐?急!! THZ! 更新: 同埋銅鑼灣去香港科技專上書院又幾耐...可以搭咩車?
此文章來自奇摩知識+如有不便請留言告知
最佳解答:
去銅鑼灣可以由銅鑼灣行斜路落般咸道近醫院道搭車。 綠色專線小巴 10 號 及 31 號 (車費$6.5) 都係喺銅鑼灣謝斐道總站 (近總統戲院), 車程約 20 分鐘。 城巴/九巴 103號 都可以去到銅鑼灣怡和街(近崇光百貨)落車 (車費成人$9.8), 車程約 30 分鐘。 由銅鑼灣返書院 可以喺謝斐道搭綠色專線小巴 31 號 去田灣 (車費$8.8) 或 10 號 去 大口環美景臺 (車費 $9.2) 可以喺卑利士道同般咸道交界落車, 行少少斜路返去, 車程約 20 分鐘。 巴士就可以搭 新巴 23A (勵德邨 至 羅便臣道循環線) 車費成人$5.0 或 23A (北角碼頭 至 蒲飛路) 車費成人$6.0。車程約 20 分鐘 上車地點: 軒尼斯道 500號興利中心 (現時為地盤, 崇光百貨對面) 或 軒尼斯道454號 近堅拿道東 (即灣仔消防局對面) 落車地點: 堅道堅道花園外, 車程約 30-35分鐘。 圖片參考：http://www.nwstbus.com.hk/en/uploadedFiles/busstopweb/w001021B001.jpg 落車後向車頭方向直行至第二個街口 (即卑利士道) 轉左行上斜路就係, 步行約 2-3 分鐘。 2009-09-24 17:12:03 補充： 對唔住第一行打錯應該係 '去銅鑼灣可以由書院行斜路落般咸道近醫院道搭車' 2009-09-24 22:36:13 補充： 由銅鑼灣返書院 更正: 巴士就可以搭 新巴 23A (勵德邨 至 羅便臣道循環線) 車費成人$5.0 或 新巴 23 (北角碼頭 至 蒲飛路) 車費成人$6.0
其他解答:
沿 卑利士道 落斜到 路口，過對面馬路，轉右行前少少有個 巴士站，坐 專線小巴31(往銅鑼灣)，經 駱克道，總站喺 謝斐道。車費：$6.5，車程約20分鐘。 回程可以坐返 專線小巴31(往田灣)，同司機講 卑利士道 路口 落車，沿 卑利士道 行上去。車費$8.8，車程約20分鐘。另外可以喺 興利中心出面巴士站，坐 新巴23(往薄飛路)，去到 堅道公園 落車 (坐12個站)，即係教堂前面公園，落車後向車頭方向行到第2個路口轉左就係。車費：$6.0，車程約30分鐘。 2009-09-24 09:42:40 補充： 蒲飛路 唔係 薄飛路
留言列表
