標題:
澳門兩日一夜點玩點住最抵最好玩？
此文章來自奇摩知識+如有不便請留言告知
發問:
我地７個人（５女２男）打算１１－１２／６去澳門， 想幫襯中旅社買酒店＋船飛ｐａｃｋａｇｅ， 但又因為單數人酒店o個邊會幾麻煩而仲決定緊（諗緊屈蛇）。 同埋我地如果想去埋漁人碼頭同旅遊塔唔知有無咁樣o既ｐａｃｋａｇｅ呢？ 我諗ｂｕｄｇｅｔ大概係５００左右（係少o左Ｄ，但我地係學生係咁上下）， 當然可能去幾個景點要再俾我就預o左，同埋飲食都係另計， 唔知大家有無另外一Ｄ旅行社酒店ｐａｃｋａｇｅ可以介紹， 又或者係有無咩好玩行程（吃喝玩樂兼備）可以分享o下， 我作為搞手都想班人可以玩得開心。 先多謝各位大哥大姊無私回答！ 更新: ＳＯＲＲＹ呀！ 我Ｄ朋友唔想返內地先令我咁苦惱（笑）， 我本來都有諗過呢個ｐｌａｎ。
最佳解答:
500元包船票,包酒店,包旅遊塔好似唔多得喎, 除非: 1. 超級屈蛇: 7個人book兩間房, 住新世紀酒店(在澳門book都係350一晚, 如果在大陸book仲可以300元人仔), 因為新世紀的房間夠大, 多幾個人都冇問題。 2. 去拱北訓, 雖然你已經話左唔好, 但真係一個最平的方法, 晚上10:00去拱北按摩(正經的), 按兩個鐘都係50--60元, 就可以留宿, 第二朝喜歡的話沖埋涼, 焗埋桑拿先走都得。其實住在拱北和住在澳門的分別唔大, 只差兩個關口。唔會遠過住氹仔好多。澳門跟香港唔同, 由香港返大陸一般要好遠路程, 但澳門出拱北就好近, 就算由氹仔去關口都係15--20分鐘。 3. 金都酒店的金都水療坊: 188元12小時, 有得玩, 有得浸, 有得目訓。 免費: 1. 一日供應5餐, 其中午餐和晚餐為自助餐 2. 果汁, 汽水, 咖啡, 檸茶等任飲 3. 水療設有多個不同的池, 裝修幾靚, 任浸 4. 電影院任睇 5. 休息室, 設有約100--200張類似按摩椅的電動椅, 每張椅都有獨立電視 6. 獨立睡眠室 7. 乒乓球 8. 上網 9. 牙膏,牙刷, 漱口水齊全 10. 幾個不同的桑拿室 收費: 1. SPA 2. 按摩(唔算貴) 3. 桌球 4. VIP房, 設有自動洗牌麻雀機, 卡拉ok, 都係40元一小時 5. 遊戲機 6. golf 練習場 有時俾188元仲有一張按摩coupon送, 有時送泥碼。 好多香港人唔想book酒店, 都會去呢度, 夜晚8:00去, 食埋晚餐及宵夜, 休息下, 第二朝8:00走。 有關船票, turbojet近來做緊優惠, 每套可平15元: http://www.turbojet.com.hk/specialpromotion_chtrev.htm 而漁人碼頭, 入場是免費的, 在港澳碼頭可以步行去, 唔遠 觀光塔如果你要上頂層睇景, 可以考慮下午茶自助餐, 可以睇埋景。
其他解答:
你可以晚上去珠海的酒店住宿.車程一小時左右.不遠.酒店價錢差很多.珠海的很便宜
留言列表
