標題:
在西灣河上班, 如果買屯門樓係咪好傻?
發問:
我一向都係租樓住, 但租金越來越高, 我由住香港而搬去九龍. 租樓以來, 累積租金巳有幾十萬, 因此希望上車. 可惜的預算樓價只係120萬, 而家全香港, 除左屯門d二手樓夠大夠平之外, 巳無其他地區合我要求了. 可是我在西灣河返工, 如果在屯門置業, 係唔係好傻? 第日搬番出黎咪仲難搵? 因為屯門樓唔多升值. 更新: Hi Stephen Chan, 謝謝你的意見. 我是一個中年人, 能轉工的機會不高...... 至於買, 以現時的市況, 你覺得值嗎? 有朋友叫我不如試租一年, 看看是否適應長途車的生活, 才決定買不買. 你覺得是否一個好選擇呢? 更新 2: Brendon 兄, 市區居屋一d都唔平. 因為我唔合資格申請白表, 要用自由市場價去買. 沙田第一城更貴到冇朋友, 395呎都叫價 180萬 (網上業主自讓盤), 根本極不合理, 荒謬. 新界東早巳被炒上, 如果有合價又合呎寸的, 我又點會去屯門咁遠......
最佳解答:
買樓自往第一梗係要睇荷包，最重要量力而為? 比層豪宅你住只叫你交管理費你都住唔黎啦? 馬死落地行?況且返工唔會為那間公司打足一世工?我相信任何人都會轉工掛?所以返工地區亦都會係短暫者? 如你諗租樓住唔花算，咁一定係買?慢慢供，供供下就係自己?這一點相信你亦同意? 至於返工問題我覺得可以簡d 交通方便的屯門巿中心，近西鐵站，有西鐵，遲些有沙咀線開通，可以由屯門站直到尖沙咀地鐵站，再轉過去港島線,，全程地鐵攪掂晒?不過時間走唔甩都要1 小時? 至於保值問題，大圍升值佢都一樣照升，只係升幅唔會主導巿場，由外圍升後佢一樣照升，我有二間屋都係屯門區，一樣照升40-50%，因為銀碼細，在基數細下升幅都幾可觀的?當然要睇你入巿時候巿場氣芬同埋入巿價而定啦，買唔買就你自己諗? 2009-06-24 01:04:59 補充： 租當然靈活過供啦，而你又無機會轉工機會下，唯有租住一年先再決定，我都會買第三間村屋，同你一樣首年係租，睇環境岩就買唔岩就拍下pat pat 一年後goodbye? 長途車睇你習唔習慣者，初頭我都好唔慣，但之後一上車就訓~彩你都傻? 習慣晒lu, 不過西鐵全線通車後，往返巿區都不成問題ga, 只係要左轉右轉者
此文章來自奇摩知識+如有不便請留言告知
其他解答:
120 萬 / 買市區居屋都 ok. 唔使去到屯門咁遠 la. 何況你仲話應該唔會轉工 tim! 即係會一直返西灣河啦. 屯門來回返工, 一日 3小時. 你頂唔頂得順??!!車費都唔平．．．．你自己計下．１又或可睇下第一城上車盤．百幾萬都有交易．除非你要大單位啦．屯門 D 樓真係唔會翻生 ka. 一池死水．
留言列表
