標題:
灣仔去西貢的紅色小巴收費及上車地點
發問:
請問灣仔去西貢的紅色小巴收費及上車地點 (尤其灣仔個邊)? 如可列出路線圖更佳~ 更新: 請提供埋車程需時多久(全程)
最佳解答:
灣仔去西貢的紅色小巴上車點係响鵝頸橋底打小人度旁邊 堅拿道東近登龍街有間 7仔同間OK仔中間果度 但係早午都冇得搭要响下午6點後至深夜1點至行駛 全程車費係$20.00要兜好多路過到海仲去埋順天順利果頭有好多人上落車 不過咁兜法都係一粒鍾就入到西貢又唔駛轉車
此文章來自奇摩知識+如有不便請留言告知
其他解答:
小巴站在堅拿道東近軒尼斯道口(即鵝頸橋底)，入西貢車費是20元，有分段收費14元去到順利警察宿舍，如果交通暢順的話由開車起計入到西貢大約1個鐘(可能仲會快些少)。 我搭車的時間係放工後，小巴會係總站等滿客先開車，所以唔會兜客就直接過九龍，開車後會轉入登龍街再轉出軒尼斯道，經杜老誌道，洛克道，上馬師道天橋之後就經舊隧過九龍。 我經驗係中途通常上唔到車，但在非繁忙時間或者架車未滿時小巴係灣仔的行車路線會唔會更改就唔太清楚了。|||||由灣仔去西貢最快捷既方法我會覺得你由灣仔搭地下鐵過海到彩虹站落車, 在牛池灣街市的出口出, 沿斧山道運動場方向行, 大約30米度有個消防局同救護站的, 在哪裡會有個小巴站係入去西貢的, 車資同目的地點我就唔肯定, 但我就知道咯....如果你由灣仔坐地鐵過去彩虹, 我想你預45分鐘, 因為可能要轉車既關係, 未計算你在北角站轉車入去將軍澳線的油塘站; 再轉車去彩虹站的輪車時間。過往我去彩虹時大約一個鐘頭就會去到, 不過我提供的只是我個人需要用的時間, 當然每個人都會有不同, 但一個鐘頭的車程, 在一般正常的情況下, 是可以去到的了。至於你再由彩虹坐小巴入西貢, 我想你起碼預一個鐘頭的基本時間, 如你在灣仔入西貢的話, 兩個鐘應該已經有足夠既時間入到去了。(完) (坐車的時間可能會因為路面的情況而有所不同的。)
留言列表
