香港3天遊~~15點－香港美食推薦

標題:

香港3天遊~~15點

發問:

如果唔去迪士尼、海洋公園...想去D離島...eg..大澳..長洲..南丫島等等... 係香港3日有邊到好去???住邊到會比較方便????點plan 個行程好???唔想重覆d 路線... 由上環又點樣去到戈d 地方???因為唔係本地人~~ 唔該晒~~

最佳解答:

如果想去離島, 長洲係最多野玩. 上環前往長洲的方法: 在上環搭港鐵前往香港站下車. 下車後按照站內的指示, 前往E出口到國際金融中心商場一樓的麥當勞餐廳及Godiva外. 沿Godiva旁的商場通道一直靠左前行, 在City Super旁邊的出口離開商場後再沿行人天橋前行經扶手電梯返回地面便是前往長洲的5號港外線碼頭. 入到長洲後, 如果要找住宿: 入到長洲碼頭有好多渡假屋出租檔口的, 去到叫佢地比d相你睇or帶左你地去睇屋先. 未滿十八歲可以Book 渡假屋. 如果想住高檔少少, 可以考慮去住長洲華威酒店. P.S.:渡假屋和酒店有D不同, 渡假屋的價錢比較大眾化及提供的屋類似普通住宅, 而且沒有牙膏/牙刷/拖鞋/沖涼用品/毛巾提供, 要自備的. 酒店雖然貴, 但一應俱存. 長洲食野方面: 1. 正生樂滿堂 Joyful Palace.....PUZZA+蜜糖雞翼+炸雞勁好食......入到長洲一定要試. 地址 : 長洲大新海傍路117號地下電話: 2981 6279 2. 下午茶去得得店食(佢有2間分店的, 都係位於同一條街. 碼頭再落一條街就係). 特別推介係: 焗奶油長法飽及焗蒜蓉長法飽. 3. 晚飯可以去瑪頭近街市果邊的鋪頭食海鮮. 4. 晚飯後去昇記食糖水 5. 小食: 甘永泰的魚旦及蟹丸好好味的. (甘永泰位置: 碼頭直入會見到百佳的, 左手邊便會見到甘永泰) 6. 東灣附近有間新照記, 主要係食糕點的. eg.: 紅豆糕, 馬蹄糕....等 7. 每晚11時後, 碼頭果條街會有流動小販售買不同的小食. 佢地會提供埋檯及椅子比你慢慢享用. 你可以在晚上10時55分在碼頭一帶等候, 到了11時食環署D小販隊收左工後, D小販便會推住車仔從四方八面而至, 場面相當墟陷. 長洲行程 1 長洲碼頭→北帝廟→長洲消防局→製冰廠→長貴路→桂濤花園→長北路→觀景亭→大貴灣新村→北帝廟長洲行程 2 北帝廟→東灣海灘→滑浪風帆紀念公園→東灣石刻→觀音灣→關公忠義亭長洲行程 3 西灣天后廟→張保仔洞→五行石→白鰽灣→思親亭→眾樂園→天福亭→關公忠義亭→東灣海灘另外可以在長洲踩單車, 有得一日租, 又係去返碼頭找渡假屋附近的店舖租. 不過租之前最好問多幾間夾下價先, 因為上次踩踩下單車時撞到個friend又係去踩單車, 佢租果一檔平左10蚊呀. 2011-03-29 15:28:49 補充：如果想在長洲購買一些海味/蝦膏/鹹魚...等乾貨做手信, 可以一下碼頭至一所中學果一段路的小販攤檔, 因為佢地全部是長洲碼頭旁邊的船家, 所有貨品自己親自製作, 而且他們不用交舖租租單位來售貨, 所有價錢會平D.

其他解答: