香港美食推薦

標題:

由粉嶺點去富泰燒烤樂園

發問:

由粉嶺點去富泰燒烤樂園??? {P.S:火車,小巴,巴士都得} 請大大們幫幫 急!!!!! 明天就要去=.=

最佳解答:

先搭70K、273A或273D往上水站/龍豐花園*, 再到新運路上水站D1出口出面轉乘261, 到富泰邨落車. 落車後向車尾方向行, 轉入虎坑路沿富泰邨側邊行, 行多少少就見到燒烤樂園入口. 地圖: http://www.map.gov.hk/gih3/view/mapshare.jsp?quickshareid=d0ee70a60a2b97dec591972766afbe8c250e&lang=tc&lite=false 收費: 兩程用八達通有八達通轉乘優惠, 合共$13.6 時間: 連等車大約50-65分鐘之內, 行過去約5-10分鐘 (睇粉嶺邊度出發, 同埋261班次唔算密) *由聯和墟出發, 請搭70K, 可以到龍豐花園轉乘261. *由粉嶺南、華明同百和路沿線出發 (包括粉嶺站), 請搭273A或273D; 273A到上水鐵路站落, 不過需要穿過上水站行去D1出口先搭到261; 273D到上水總站落, 新運路261巴士站只在總站對面馬路. 273A需要兜清河同太平一帶, 不過班次較密, 而273D少啲兜路, 不過班次稍為疏落, 建議有車即上. *261上水鐵路站離富泰邨其實只有一個站, 因為上水站之後就上公路, 落公路第一個站就係富泰邨. 2014-12-24 21:00:35 補充： 修正: 搭70K既話就建議到天平邨總站轉261, 而唔係龍豐花園. 一嚟天平邨係261既總站, 包有位坐, 不過以我所知其實唔係好多人坐261. 同埋261由天平邨開出以比較直接既途徑前往上水站, 再上公路入屯門區, 反而70K要兜埋翠麗花園先去到上水站. 另外, 上水都有44、44A小巴入屯門區, 雖然班次遠比261頻密, 不過兩架都唔經富泰, 北區去富泰只有261... 2014-12-24 21:10:13 補充： 最後要注意既係, 261往三聖同天平邨方向都會停靠上水鐵路站, 要上三聖方向既車才前往富泰邨.

其他解答: