標題:
此文章來自奇摩知識+如有不便請留言告知
想問由長康到尖沙咀242X時間和NR41車站位置
發問:
因本人住長康, 第一次在尖沙咀上班(太陽廣場附近), 公司說不能遲到最好9:00前到. 但不想經常要搭2程車(巴士+MTR)... 所以想問有沒有人搭過由青衣開出到尖沙咀的242X巴士上班? 快嗎? 如搭最早開出7:50的那班由長康到尖沙咀需時要幾耐? 會在8:45前落到車嗎? 另外還有村巴NR41, 我上網看過車站位置, 但不太長盡, 不知來回的車站位置是打對面還是來回相同, 如回程到青衣長康, 說是九龍公園徑站開出, 究竟是九龍公園徑那一個位??? 有沒有人搭過可以告訴我?? 感激! >_
最佳解答:
NR41大部分班次實際上會行三號幹線直達尖沙咀 (不停旺角), 車程會快過242X最少15-20分鐘. 兩架既分別係242X會落旺角先前往尖沙咀, 兼且西九龍走廊旺角落橋位繁忙時間係塞車黑點, 而且242X仲要經美孚、油麻地、佐敦等地, 官方車程如果係55分鐘的話, 實際車程可能要預一個鐘多少少. 加埋行過去、過馬路等因素, 九點返到去都非常炆. NR41 (營辦商同站牌會叫41R而唔係NR41呢個官方名稱) 詳細開出時間唔清楚, 不過印象中都好密, 位於康盛樓巴士站後面站頭個候車亭會貼住張時間表列明邊啲班次係直達尖咀同邊啲經旺角, 頭車7點半, 尾車好似差唔多九點開. 時間表同時寫埋回程班次, 寫明邊啲車九龍公園徑開/紅磡站開 (NR41回程實際上會分拆為兩條線, 其中一條九龍公園徑開). 塞極最多八、九個字都可以去到九龍公園徑 (海防道樓梯後面) 落車, 八點左右上到車就叫最穩陣. 返青衣上車站同落車站一樣, 都係位於海防道樓梯附近, 向中港城方向落少少就見到站頭, 其實大把返新界區村巴同時都係喺呢個站開. 唔好信NR41喺運輸處網上資料, 運輸處村巴資料成日都outdate的 ^_^
其他解答:
乘九巴242X ,可在中間道落車,車程約50分鐘,另加步行到太陽廣場時間約6分鐘, 另NR41 村巴路線:路線（長康(涌美路) 至 紅磡火車站）﹕ 經涌美路、青康路、青衣路、青衣大橋、葵青路、荃灣路、葵涌道、荔枝角天橋、西九龍走廊、太子道、荔枝角道、上海街、佐敦道、廣東道、梳士巴利道、漆咸道南、暢運道及安運道。 開車時間： 星期一至六（公眾假期除外） 上午7時30分 至 9時正 平均 7 分鐘 1 班車 車程 約 25-30分鐘 2015-04-12 12:58:37 補充： 九龍公園徑站近中港城巴士站、 及近通往海防道的樓梯 2015-04-12 13:07:53 補充： NR41 下午開車時間：星期一至五 （公眾假期除外） 下午5時45分--7時15分 星期六 （公眾假期除外） 下午1時45分--2時15分
留言列表
