標題:
婦產科醫生一問... (媽媽級請進~)
發問:
請問一下, 排政府期大概幾耐覆一次診? 想一邊跟政府一邊跟私家, 想問有無好既私家醫生介紹? 突如其來既BB令人手足無措... 希望大家幫幫手介紹一下~ 診金方面當然唔好太貴... 最緊要有耐性~ 過海或者油尖旺區都好~ thanks!!
最佳解答:
此文章來自奇摩知識+如有不便請留言告知
開頭個七個月就一個月覆診一次,臨到bb出世之前o既一個月就兩星期覆診一次. 我生bb果陣就睇余啟文醫生o既 [翹康醫務中心], 佢都ok架, 起碼佢知到d產婦唔入私家生, 都一樣會好有心機咁去睇症囉. 不過佢好多症要睇, 你要打電話去排期先囉. 佢有三個醫務所, 一個在尖沙咀, 一個在沙田, 一個在將軍澳, 你自己睇下邊間岩你一d囉. 睇一次就三百幾蚊囉 [呢個係5年前o既價錢], 貴唔貴就見仁見智. 如果你想在政府醫院生bb呢, 最近聽朋友講, 就話威爾斯同廣華都幾好, 你自己睇一睇邊間近你丫. 2007-09-10 22:54:20 補充： 當然, 以上o既覆診時間係指冇咩特別o既case, 有d話高齡又或者有妊娠糖尿病... 就會覆密d架.
其他解答:
政府排期一個月會去一次健康院,到34週就2星期一次,36週一星期一次 私家的次數同政府(上面)一樣,我剛剛生完,係睇陳麗燕(旺角華僑商業中心13/F)十分有經驗,好pro,接生時縫針手勢又好,我只一星期多少少傷 口就埋口了.每次診金$450 我建議兩邊都睇,因為好似驗血咁,私家驗一次要$1500,政府就唔駛$,我都係攞政府份報告俾DR. Chan. 不過由於DR. Chan 好多人睇,所以每次都要比預約時間再早成個幾鐘去等,因為我試過有幾次等成兩個鐘呀...但佢真係好好,值得推薦 2007-09-12 16:46:06 補充： ps:除了包藥,超聲波同相,有時佢仲會唔額外收錢的用4D俾BB個樣你睇,我試過三次,(4D真係比超聲波清楚好多,不過就攞唔到4D的相,因為佢部機只可以睇4D但唔可以晒出嚟.)|||||政府正常來說是一個月一次, 到32週左右就兩星期一次, 到38週就一星期一次, 因為正常來說40週就生得. 我個時都係一邊睇政府一邊睇私家, 咁你可以夾下時間, 例如我每月一號去睇政府, 咁你book15號去睇私家, 咁咪兩個星期兩個星期咁覆一次囉, 如果你覺得好無野, 可以睇少揀其中一次唔睇都得(政府就每次等好耐, 私家就每次都比錢, 你睇下喜歡邊個環境), 我係港島區, 所以係去瑪麗生, 而醫生就揀銅鑼灣禮頓中心韋張紅, 佢幾好架, 我有話比佢知我係瑪麗生, 佢對我都好好, 唔會唔係佢接生就唔show你果d, 我上年睇, 每次500元(包藥同每次都有照超聲波同比番幾張相你).
留言列表
