標題:
[[20分]] 身體皮膚乾到甩皮 >
發問:
此文章來自奇摩知識+如有不便請留言告知
每晚沖涼後都即刻搽~~ 我已試好多body lotion.........甘油........檻攬油.......澳洲QVcream........BB油....凡士林.........但都依然一年四季都甩皮!!!!!!!! 點算??!!! 食又好.....搽又好....總之真正有效我都會試.........麻煩各位幫下我~~~!!!!
最佳解答:
你嘅情況好似都幾嚴重, 不過首先要問吓你, 沖涼嘅時候係咪用好熱嘅水同埋係咪沖好耐? 因為過熱嘅水好傷皮膚(無論係面部定係身體都好), 你一定要調節一個適當嘅水溫(當然唔好太過凍啦!), 而且要盡快完成整個沖涼過程! 第二, 就係睇吓你用啲乜嘢淋浴露/番梘沖涼! 其實我哋嘅皮膚有一層弱酸膜，佢嘅作用係保護皮膚，免受細菌侵害。過酸或過醶都會破壞弱酸膜，即是破壞咗我哋嘅天然保護層，而少咗呢個保護層，外來細菌就有機會破壞我哋嘅皮膚，引起問題，如乾燥, 甩皮, 皮膚炎等。弱酸膜嘅pH值係4.5 - 6.5，所以最好揀一啲弱酸性嘅產品(pH5.5), 或者盡量揀一啲有潤膚成份嘅潔膚皂或者淋浴露。 我以前沖完涼皮膚都好乾好痕, 後來有朋友介紹我用L'Occitane隻蜂蜜檸檬洗髮沐浴啫喱(hk$150/250ml), 之後改善咗好多, 咁當然唔係一朝一夕嘅事啦! 另外佢隻乳木果沐浴露(hk$150/250ml)都唔錯! 如果你嘅情況再嚴重啲, 可以試吓施巴5.5或者QV嘅產品, 我聽啲朋友話好多皮膚科醫生都介紹啲有嚴重皮膚敏感嘅病人用, 不過我自己就未用過喇! 然後先至到搽lotion, 我自己會prefer一啲無香料嘅產品, 唔一定要貴, 好似sasa/卓悅賣好多日本牌子嘅副線(平價版), 如kose, shiseido, kanebo, 曼秀雷敦, 小林製藥...最好揀有"尿素配合"嘅產品, 保濕止痕特別有效! 另外上面講過L'Occitane嘅蜂蜜檸檬同乳木果呢兩條line啲搽身都好, 不過就會貴啲囉! 一定要沖完涼就即刻搽, 臨瞓前或者第二朝起身覺得乾要再搽, 千祈唔好"R"或者大力咁"卒"啲皮膚! 最後, 想問吓你係咪吸煙人士, 因為我個朋友又係啲皮膚好乾, 搽極lotion(面同身都係!)都唔掂, 因為吸煙可以激活人體內嘅一種基因, 而呢種基因又會促使酵素嘅生成, 而酵素會破壞皮膚中嘅膠原蛋白, 所以吸煙會加速皮膚老化, 使皮膚失去彈性 。假如你真係有吸煙嘅習慣, 請立即停止, 如果唔可以成功戒煙亦要減少吸煙量, 咁樣你先至會有健康嘅皮膚。 希望可以幫到你啦!
其他解答:
食多D青菜, 補充維生素|||||其實飲食都影響皮膚, 你多d飲水, 另食多d水果,早d瞓, 體內得到滋潤, 體外就會變得好, 當然再加上any lotion就更加prefect啦
留言列表
