close
標題:
急***20點*由佐敦點去九龍灣佛教慈敬學校?
發問:
此文章來自奇摩知識+如有不便請留言告知
由佐敦點去九龍灣佛教慈敬學校? 要地鐵 出地鐵後的路線要詳細,清楚 行過去大約幾耐?
最佳解答:
要地鐵 = 你有學生優惠? 其實嗰度離地鐵站唔近, 最好轉51M小巴過去. 去到A出口穿過德福廣場一期直上到平台, 去到平台就會有間Delifrance, 過咗Delifrance左轉之後就會見到個迴旋處, 迴旋處對面有個巴士/小巴總站, 喺嗰度可以搭51M. 51M會途經佛教慈敬學校對面. 除咗地鐵之外, 佐敦都有九巴13X/224X一程直達, 其中224X只於平日繁忙時間服務. 13X繁忙時間班次就去到香港輔助警察總部落車, 落車之後到前面路口 (宏照道) 左轉, 再去到第一個路口 (啟麗道) 左轉, 靠右邊馬路行多少少就到, 步程約10分鐘. 13X非繁忙時間班次/224X所有班次則去到啟麗道落車, 後面路口就係啟麗道, 左轉再沿啟麗道行, 過啟仁街路口就係, 步程約5分鐘 (不過由於224X繁忙時間無咁密, 建議見到13X照上). 其實13X繁忙時間班次車頭會有 (「不經宏天廣場、啟業、麗晶」) 以分辨非繁忙時間班次, 到時上咗13X唔駛怕唔識落車. 價錢方面, 地鐵轉51M價錢$3.8 + $3 = $6.8 (地鐵學生優惠計), 13X/224X價錢$7.5, 不過13X/224X佐敦之後只有幾個站入啟德隧道, 出隧道都係兩、三個站就到, 我個人覺得嗰七毫都值得囉.
其他解答:
文章標籤
全站熱搜
留言列表
